సిటీ ఆఫ్ గాడ్ (CITY OF GOD)

గత శనివారం డి.యస్.టి ఆడిటోరియంలో ప్రదర్శించిన "సిటి ఆఫ్ గాడ్" చిత్రం నిజంగా మనసును కదిలించివేసే సినిమా. ఇందులొ ఒక ఫొటొగ్రాఫర్ తన ఆత్మకథ వివరిస్తూంటాడు. అతని స్వస్థలములోని పేదరికం, పేరుకుపోయిన నైచ్యం ఏ విధంగా హంతకముఠాలు రూపు దాల్చటానికి దారి తీసిందో వివరిస్తాడు. ఒక ఫొటోజర్నలిస్ట్ గా ఎదిగే క్రమంలో తాను పొందిన అనుభవాలను ప్రేక్షకుడి మదిని కల్లోలపరచగలిగే స్థాయిలొ చూపిస్తాడు.ముఖ్యంగా దొంగతనం చేశారనే నెపంతో,అప్పటికే భయంతొ బిక్కచచ్చి ఏడుస్తున్న ఇద్దరు పిల్లలలో ఒకరిని చంపవలసిందిగా ముఠానాయకుడు ఆదేశించే దృశ్యం గుండెలను పిండేస్తుంది. ఇది ఆ హంతక ముఠాల క్రౌర్యానికి పరాకాష్ట. థియేటర్ వదిలి వచ్చిన తరువాత కూడ వెంటాడే సినిమా ఇది.ఈ చిత్రాన్ని HCU FILM CLUB వారు ప్రదర్శించారు.